عمران خان قرنطینہ سنٹر ڈیرہ غازی خا ن پہنچ گئے،زائیرین سے ملاقات

اسلام آباد‘ڈیرہ غازیخان(نمائندگان خبریں) وزیراعظم عمران خان نے ڈیرہ غازی خان میں سینٹرل کنٹرول روم میں ایران سے آنے والے زائرین کے لئے قرنطینہ میں کئے گئے انتظامات، اور قرنطینہ مرکز میں زائرین سے ان کی خیریت دریافت کرنے کے بعد صوبہ پنجاب میں کو رونا وائرس کی صورتحال کے حوالے سے اجلاس کی صدارت کی،وزیر اعلی پنجاب سردار عثمان بزدار، معاون خصوصی ڈاکٹر ظفر مرزا، معاون خصوصی ڈاکٹر معید یوسف، ڈاکٹر شہباز گل، چیئرمین این ڈی ایم اے، چیف سیکرٹری پنجاب، آءجی پنجاب، اور سینئر افسران نے اجلاس میں شرکت کی،وزیر اعظم کوصوبہ پنجاب میں کرونا وائرس کے حوالے سے صورتحال پر بریفنگ دی گئی،چیف سیکرٹری پنجاب نے صوبہ پنجاب میں کو رونا وائرس کے حوالے سے صورتحال پر بریفنگ دی اس موقع پر وزیراعظم کا کہنا تھا کہ ہر روز مقررہ اوقات میں لوگوں کو آگاہ کیا جائے کہ صورتحال پر قابو پانے کے حوالے سے کیا انتظامات کئے جا رہے ہیں ،لوگوں کو سہولیات کی فراہمی کے حوالے سے ہر ممکن اقدامات اٹھائے جائیں اور مجھے اس حوالے سے مستقل آگاہ کیا جائے ۔انہوں نے ہدایت کی کہ پناہ گاہوں میں ڈیلی ویجرز کو سہولیات کی فراہمی کے ساتھ ساتھ ان کی سکریننگ کے انتظامات بھی کئے جائیں ۔ چیف سیکرٹری پنجاب نے وزیراعظم کو مارکیٹوں، یونین کونسلز میں کو رونا وائرس کی صورتحال کے ضمن میں اشیائے ضرور یہ کی دستیابی کے حوالے سے مانیٹرنگ اور مستقبل کے حوالے سے لائحہ عمل پر بریفنگ دی،وزیراعظم نے چیف سیکرٹری پنجاب اور آ ئی جی پنجاب کو ذخیرہ اندوزوں اور ناجائز منافع خوروں کی نشاندہی، اور ان کو قرار واقعی سزا دینے کے حوالے سے اقدامات کی ہدایت کی۔ اس صورتحال میں جو لوگ ذخیرہ اندوزی کے مرتکب ہو رہے ہیں ان کو بے نقاب کیا جائے ۔ وزیراعظم نے کہا کہ بدلتی صورتحال کے مطابق اقدامات کا جائزہ لیا جائے اور موثر لائحہ عمل مرتب کیا جائے تاکہ عوام کو کسی قسم کی پریشانی نہ ہو۔وزیر اعظم عمران خان نے کہا کہ حکومت کی اولین ترجیح عوام ہیں،حکومت کی بھرپور کوشش ہے کہ جہاں جان بچانے والی اور تمام دیگر ضروری ادویات ملک میں آسانی سے دستیاب ہوں وہاں یہ ادویات مناسب قیمت پر عوام کو میسر آئیں، وزیر اعظم نے ان خیالات کا اظہار بدھ کو ملک میں ضروری ادویات کی دستیابی اور انکی مناسب قیمتوں کے تعین کے حوالے سے ڈرگ ریگولیٹری اتھارٹی آف پاکستان کی ذمہ داریوں اور ادارے کی کارکردگی کے حوالے سے اجلاس کی صدارت کرتے ہوئے کیا ، اجلاس میں معاون خصوصی برائے صحت ڈاکٹر ظفر اللہ مرزا، اٹارنی جنرل خالد جاوید خان، سیکرٹری برائے نیشنل ہیلتھ سروسز اینڈ ریگولیشنز، سی ای او ڈریپ عاصم رف و دیگر سینئر افسران شریک ہوئے وزیراعظم کو ملک میں ضروری اور خصوصا زندگی بچانے والی ادویات کی دستیابی اور انکی قیمتوں کے تعین کے حوالے سے معاملات پر تفصیلی بریفنگ دی گئی ، اجلاس میں ڈرگ ریگولیٹری اتھارٹی آف پاکستان(ڈریپ )کی کارکردگی، ادارے کو متحرک وفعال بنانے اور کرپشن و دیگر بدعنوانیوں سے پاک کرنے کے حوالے سے کی جانے والی کوششوں پر بھی تفصیلی تبادلہ خیال کیا گیا ۔