اسلام آباد، لاہور( این این آئی، آئی این پی) وزیر مملکت اطلاعات مریم اورنگزیب نے کہاہے کہ بلاول کے سیاسی استاد شاید ان کی بھلائی نہیں چاہتے،پاناما دستاویزات میں بھٹوخاندان کا ذکرضرور ہے،بلاول کو ان کا میڈیا سیل یہی بتا دیتا کہ پاناما دستاویزات میں وزیراعظم کا نام نہیں، اپنے دور میں کوئی جلسہ نہ کر سکنے والے آج کھلے عام جلسے کر رہے ہیں۔کھلے عام جلسوں کا انعقاد مسلم لیگ ن کی فتح ہے۔اپنے ایک بیان میں مریم اورنگزیب نے کہاکہ بلاول کے سیاسی استاد شاید ان کی بھلائی نہیں چاہتے،بلاول جب اخلاق سے گری بات کریں گے تو لوگ انکو بچہ سمجھ کر نظر انداز کریں گے بلاول کی آج کے اخلاق سے گرے ہوئے بیان نے آکسفورڈ کی تعلیم کو شرمندہ کر دیا ۔وزیرمملکت نے کہاکہ بلاول کو ان کا میڈیا سیل یہی بتا دیتا کہ پاناما دستاویزات میں وزیراعظم کا نام نہیںپاناما دستاویزات میں البتہ بھٹوخاندان کا ذکرضرور ہے۔وزیرمملکت اطلاعات نے کہاکہ اپنے دور میں کوئی جلسہ نہ کر سکنے والے آج کھلے عام جلسے کر رہے ہیں۔کھلے عام جلسوں کا انعقاد مسلم لیگ ن کی فتح ہے۔ پاکستان مسلم لیگ ن کے رہنما حنیف عباسی نے کہا ہے کہ تحریک انصاف کے سربراہ عمران خان وزیر اعظم نواز شریف کی دشمنی میں خودکش بمبار بنتے جارہے ہیں، وفاقی وزیر پٹرولیم شاہد خاقان عباسی نے کہا ہے کہ وزیر داخلہ چوہدری نثار نے کمیشن رپورٹ پر نہیں اخبارات میں چلنے والی خبروں پر تنقیدکی ہے، پاکستان مسلم لیگ (ن) کے مرکزی سیکرٹری اطلاعات سینیٹر مشاہد اللہ خان نے کہا ہے کہ وزیر داخلہ چوہدری نثار سے استعفیٰ مانگنے کی بجائے ان کی قیادت میں دہشتگردی کےخلاف جنگ میں کامیابیوں کو سراہا جانا چاہیے ، آج تک جتنے بھی کمیشن بنے اور ان کی رپورٹیں آئیں کیا کسی وزیر نے اس پر استعفیٰ دیا ؟، پانامہ لیکس میں وزیر اعظم محمد نواز شریف کا نہیں بلکہ بلاول کی والدہ محترمہ بینظیر بھٹو کا نام ہے، مسلم لیگ ن کے رکن قومی اسمبلی طلال چودھری نے کہا ہے کہ شاہ محمود قریشی کی باتیں کھسیانی بلی کھمبا نوچے کے مترادف ہیں، وزیراعظم پہلے بھی پارلیمنٹ میں بیان دیتے رہے ہیں مگر کسی کے دباو¿ پر ایوان میں نہیں آئیں گے۔ وفاقی وزیر صنعت و تجارت خرم دستگیر خان نے کہا ہے کہ جسٹس قاضی فائز عیسیٰ کمیشن کی رپورٹ ہمارے لئے ایک رہنمائی ہے، اداروں کی کمی آنے والے سالوں میں پوری کرلیں گے۔
