نیویارک/لندن (اے پی پی) دنیا بھر میں مہلک کرونا وائرس سے ہلاکتوں کی مجموعی تعداد ایک لاکھ 77 ہزار سے تجاوز کرگئی ہے، امریکہ اور یورپی ممالک کرونا وائرس سے سب سے زیادہ متاثرہ ہیں، یورپ میں ایک لاکھ سے زیادہ اموات ہوچکی ہیں جبکہ امریکہ میں مصدقہ متاثرین کی تعداد آٹھ لاکھ 10ہزار سے زیادہ ہے۔ بدھ کو امریکی ذرائع ابلاغ کے مطابق دنیا بھر میں مہلک کرونا وائرس کے متاثرین کی تعداد 25لاکھ77 ہزار 57 ہوگئی ہے۔ امریکہ میں کرونا وائرس کی وبا کے نتیجے میں ہلاکتوں کی تعداد 44623ہوگئی ہے۔ اٹلی میں ہلاکتوں کی تعداد 24648جبکہ سپین میں اب تک 21282افراد لقمہ اجل بن چکے ہیں۔ فرانس میں اب تک اس وباءسے 20796اور برطانیہ میں 17337افراد ہلاک ہوئے ہیں۔اٹلی، سپین، برطانیہ اور فرانس میں کرونا وائرس سے ہلاکتوں میں کسی حد تک کمی آرہی ہے جبکہ بعض یورپی ممالک میں نئے متاثرین کی تعداد میں کمی ہورہی ہے جس کے پیش نظر متعدد یورپی ممالک لاک ڈاو¿ن میں نرمی کررہے ہیں جن میں ڈنمارک سرفہرست ہے۔ اٹلی، سپین اور فرانس میں بھی اموات 20 ہزار سے تجاوز کرگئی ہیں۔ دریں اثناءادھر امریکہ میں کرونا وائرس کی وبا کے نتیجے میں ہلاکتوں کی تعداد 44623ہوگئی ہے جو کہ عالمی سطح پر دیگر ممالک کی نسبت بہت زیادہ ہے۔اسی طرح ملک میں مصدقہ کیسز کی تعداد 809615 ہوگئی ہے۔ دنیا بھر میں مہلک کرونا وائرس کے متاثرین کی تعداد 25لاکھ ہزار 57سے تجاوز کرگئی جبکہ ہلاکتوں کی تعداد ایک لاکھ 77 ہزار 662 ہوگئی۔ ادھر برطانوی وزیر صحت میٹ ہینکاک نے کہا ہے کہ (آج) جمعرات سے آکسفورڈ یونیورسٹی کی ٹیم انسانوں پر کرونا وائرس کی ویکسین کا ٹرائل کرے گی۔ دنیا بھر میں اس وقت کرونا وائرس کے متاثرین کی تعداد 25لاکھ ہزار 57سے تجاوز کرگئی جبکہ ہلاکتوں کی تعداد ایک لاکھ 77 ہزار 662 ہے جس میں متواتر اضافہ ہورہا ہے۔امریکہ میں کرونا وائرس سے متاثر مریضوں کی تعداد بڑھ کر 809615 پہنچ گئی ہے۔ بدھ کو امریکی ذرائع ابلاغ کے مطابق کرونا وائرس سے ملک میں 44623افراد ہلاک ہوچکے ہیں۔ریاست نیویارک میں 257125 کیسز ہیں اور یہاں مجموعی 18821 افراد ہلاک ہوئے ہیں۔ نیو جرسی میں 88806 کیسز اور 4520 افراد ہلاک ہوئے ہیں۔ میسا چوسٹس، پنسلوانیا، کیلی فورنیا، مشی گن اور الینوائے کی ریاستوں میں 30000 سے کیسز ہیں۔دریں اثناءبرطانوی نشریاتی ادارے کے مطابق امریکہ کے ایک اعلی وبائی امراض کے ماہر کا کہنا ہے کہ ملک میں وائرس کے دوسرے مرحلے میں متاثرہ افراد کی تعداد حالیہ تعداد سے بڑھ سکتی ہے اور یہ موجودہ صورتحال سے بھی زیادہ ہوسکتا ہے۔ امریکہ کے ادارہ برائے انسداد برائے وبائی امراض کے ڈائریکٹر رابرٹ ریڈفیلڈ نے خبردار کرتے ہوئے کہا ہے کہ چند ماہ بعد آنے والے موسم سرما میں ملک میں کرونا وائرس کا دوسرا مرحلہ زیادہ خطرناک ہوسکتا ہے کیونکہ سرد موسم میں نزلہ زکام کے باعث متاثرین کی تعداد بڑھنے کا خدشہ ہے۔
