پاکستان سپر لیگ (پی ایس ایل) کے چھٹے ایڈیشن کے لیےغیر ملکی کھلاڑیوں کی فہرست کا اعلان کردیا گیا۔
تفصیلات کے مطابق پاکستان سپر لیگ (پی ایس ایل) کے چھٹے ایڈیشن میں کرس گیل، ڈیوڈ ملراور راشد خان پلاٹینم روسٹر میں شامل ہوگئے ہیں۔
اس فہرست میں ڈیوڈ ملان، ڈین براوو، کرس لین، ایلکس ہیلز، مورنے مورکل، محمد نبی، عمران طاہر، ڈیل اسٹین، ٹام بینٹن اور کرس جارڈن بھی شامل ہیں۔
کرس گیل، ڈیل اسٹین، کرس لین اور راشد خان سمیت کئی معروف اور نامور غیرملکی ستاروں نے پی ایس ایل 2021 میں شرکت کے لیے اپنی دستیابی ظاہر کردی ہے۔
لیگ کے چھٹے ایڈیشن کے لیے پچیس کھلاڑیوں پر مشتمل پلاٹینم فہرست کو حتمی شکل دے دی گئی ہے۔
ایونٹ کے لیےکھلاڑیوں کی ڈرافٹنگ 10 جنوری کو لاہور میں ہوگی۔
ڈرافٹنگ سے قبل تمام چھ ٹیمیں اپنے اسکواڈ زمیں شامل کھلاڑیوں کو ریلیز یا ریٹین کرسکتی ہیں۔ہر ٹیم زیادہ سے زیادہ 8 کھلاڑیوں کو ہی ریٹین کرسکتی ہے۔
پی ایس ایل 2021 کی فروری، مارچ میں شیڈول ونڈو کے لیے چند غیرملکی کھلاڑی ایک مخصوس وقت کے لیے ہی دستیاب ہوں گے۔
پلاٹینم کیٹگری میں شامل غیر ملکی کھلاڑیوں کی مکمل فہرست:
ویسٹ انڈیز کے ڈوین براوو، لینڈل سمنز ، کارلوس بریتھ ویٹ اور ایون لوئس ۔
جنوبی افریقہ کے مورنے مورکل ،وین ڈر ڈسن ،عمران طاہر، ڈیل اسٹین، رائیلی روسو اور کولن انگرام ۔
ا نگلینڈ کے ایلکس ہیلز، معین علی، کرس جارڈن اور ٹام بینٹن ۔
افغانستان کے راشد خان ،مجیب الرحمٰن اور محمد نبی ۔
سری لنکا کے تھیسارا پریرا ،اشرو اڈانا۔
بنگلہ دیش کے مستفیض الرحمان اور نیپال کے سندیپ لامیچانے۔
