ٹوئٹر صارفین کی مشکل آسان ہونے کے قریب

لاہور(خصوصی رپورٹ)ٹوئٹر کے سی ای او جیک ڈورسے نے جب ٹوئٹر صارفین سے سوال کیا کہ وہ ٹوئٹر میں تبدیلی دیکھنا چاہتے ہیں۔ تو ان کو اس سوال کے 5700سے زائد جواب موصول ہوئے ۔صارفین سب سے زیادہ ٹوئٹ ایڈٹ آپشن کی تبدیلی کا مطالبہ کرتے نظر آئے ۔اس حوالے سے ٹوئٹر کے سی ای او نے بھی اتفاق رائے کرتے ہوئے کہا کہ ٹوئٹ ایڈٹ کا آپشن یقینا بہت ضروری ہے اور کمپنی اس حوالے سے سوچنے میں مصروف ہے ۔جیک کے مطابق وہ ٹوئٹر میں دو طرح کے ایڈٹ آپشن لانے کے خواہ ہیں۔ ایک آپشن یہ ہوگا کہ جو کچھ بھی آپ ٹوئٹ کریں گے اس میں موجود کسی بھی غلطی کو 5 منٹ کے اندر ہی صحیح کرسکیں گے اگر غلطی کو 5 منٹ کے اندر ٹھیک نہیں کیا گیا تو آپ کو اسے ڈیلیٹ کرنا پڑے گا۔دوسرا آپشن یہ ہے کہ ٹوئٹ کو آپ کبھی بھی کسی بھی وقت ایڈٹ کرسکتے ہیں جیسے فیس بک پر سٹیٹس کو ایڈٹ کیا جاتا ہے ۔ فیس بک پر جس پوسٹ کو ایڈٹ کیا جائے اس پر ایڈیٹڈ لکھا آجاتا ہے لیکن ٹوئٹر پر ایسا نہیں ہوگا۔ جب آپ کوئی بھی ٹوئٹ ایڈٹ کریں گے تو اس پر ایڈیٹڈ لکھا نہیں آئے گا۔