اسلام آباد: قومی اسمبلی کے اجلاس میں وزیر خزانہ شوکت ترین نے اظہار خیال کرتے ہوئے کہا ہے کہ موبائل فون پر پانچ منٹ کی کال پر 75 پیسے ٹیکس لاگو ہوگا۔
تفصیلات کے مطابق وزیرخزانہ شوکت ترین نے اپنے خطاب میں کہا کہ دودھ ، دہی پر ٹیکس واپس لے لیا گیا ہے ، انٹرنیٹ ، ایس ایم ایس پر بھی ٹیکس لاگو نہیں ہے ، موبائل فون پر پانچ منٹ کی کال پر 75 پیسے ٹیکس لگا یا گیا ہے ۔
انہوں نے مزید کہا کہ سونے اور چاندی پر بھی ٹیکس کو کم کیا گیا ۔ آٹے اور اس کی اشیاء پر کوئی ٹیکس لاگو نہیں کیا ۔ پولٹری اور کیٹل فیڈ پر ٹیکس کو 17 فیصد سے 10 فیصد پر لا رہے ہیں ۔
پراپرٹی پر ٹیکس کی شرح 35 سے کم کرکے 2 فیصد تک لے آئے ہیں ۔ فوڈآئیٹم پر ٹیکس واپس لے لیا گیا ۔ بچوں کے دودھ پر ٹیکس ختم کردیا ہے ۔ پچھلے 20 سے پندرہ سال ہم نے زراعت کو اہمیت نہیں دی ۔ پورے ملک میں ایگری مالز کا جال پچھائیں گے ۔ سب سے پہلے رقم ایگریکلچر پر خرچ کریں گے ۔
شوکت ترین کا مزید کہنا تھاکہ میری گاڑی سکیم متعارف کروانے جارہے ہیں ۔ کوشش ہوگی کہ گاڑیوں کو پاکستان سے ایکسپورٹ کیا جائے ۔ وزیر اعظم ملک میں ای ووٹنگ متعارف کروانا چاہتے ہیں ، اس کے لیے پانچ ارب روپے رکھے گئے ہیں ۔
