انتہا پسند ہندووں کی اذان کے وقت تیز موسیقی بجانے کی دھمکی

مدھیہ بردیش: (ویب ڈیسک) بھارتی ریاست مدھیہ بردیش میں انتہا پسند ہندووں نے اذان پر اعتراض اٹھاتے ہوئے مسجد کے سامنے لاوڈ اسپیکر میں گانے بجانے کی دھمکی دے دی۔
نام نہاد سیکولر ملک بھارت میں مسلمانوں کا جینا اجیرن ہو گیا۔ حجاب پر پابندی کے بعد انتہا پسند ہندووں نے اذان پر بھی اعتراض اٹھا دیا۔
ریاست مدھیہ پردیش کے شہر رتلام میں انتہا پسند ہندو تنظیم نے مسجد انتظامیہ کو لاوڈ اسپیکر میں اذان دینے سے روک دیا۔ پابندی نہ ماننے کی صورت میں اذان کے وقت لاوڈ اسپیکر میں گانے بجانے کی دھمکی بھی دے دی۔
سوشل میڈیا پر وائرل ہونے والی ویڈیو میں میں ایک نوجوان کہہ رہا ہے کہ اس نے مسجد کے بالمقابل عمارت پر لاؤڈ اسپیکر لگا رکھے ہیں۔ جب بھی اذان ہوگی ہم لاؤڈ اسپیکر پر اونچی آواز میں گانے بجائیں گے۔
پولیس نے انتہا پسند ہندووں کی جانب سے نصب لاؤڈ اسپیکر کو اتار دیا لیکن کسی انتہا پسند کو گرفتار نہیں کیا گیا بلکہ مسجد انتظامیہ کو فی الحال اذان کے لیے لاؤڈ اسپیکر کے استعمال سے روک دیا ہے۔