6 منٹ میں 12 برگر کھاکر بل دیے بغیر میاں بیوی فرار

لندن: (ویب ڈیسک) برطانیہ سے ایک دلچسپ خبر سامنے آئی ہے جہاں پر میاں اور بیوی 6 منٹ کے دوران 12 برگر ریسٹورنٹ سے کھا کر بل دیئے بغیر فرار ہو گئے
غیر ملکی میڈیا کے مطابق اکثر و بیشتر مالکان اپنے ریسٹورنٹس کی تشہیر کے لیے مختلف اسکیمیں نکالتے ہیں جس میں کبھی کھانے پر اچھا خاصہ ڈسکاؤنٹ دیا جاتا ہے تو کبھی بائے ون گیٹ ون فری جیسی پیشکش کی جاتی ہیں۔
برطانیہ کے کاؤنٹی ولٹشائر کے علاقے مارلبورو کے ریسٹورینٹ نے بھی گاہکوں کو ایسی ہی پیشکش کی جو مالک کو مہنگی پڑی۔ مالک نے پیشکش کی جو بھی 6 منٹ میں 12 برگر کھائے گا اس سے پیسے وصول نہیں کیے جائیں گے۔
ہوٹل کی جانب سے بھی بتایا گیا تھا آفر سے فائدہ اٹھانے کے لیے دو لوگ اہل نہیں ہوں گے، 12 برگر صرف ایک ہی شخص کو کھانا ہونگے مگر جوڑے نے ریسٹورینٹ کی آنکھوں میں خوب دھول جھونکی۔
ریسٹورنٹ کے اس چیلنج کو قبول کرکے میاں بیوی وہاں پہنچے اور برگر کھانا شروع کیے ، اس دوران ریسٹورنٹ کا عملہ مصروفیت کے سبب ان پر نظر نہیں رکھ سکا اور میاں بیوی چالاکی سے 6 منٹ میں 12 برگر کھاگئے اور بل ادا کرنے سے انکار کردیا۔
عملے کے مطابق دونوں نے درجن برگر کا آرڈر دیا اور 6 منٹ میں ختم کردیئے جب ان سے بل مانگا گیا تو انہوں نے یہ کہہ کر بل دینے سے منع کیا کہ ہم نے تو چیلنج پورا کیا ہے، اور فرار ہوگئے۔
مالک کے مطابق انہوں نے جوڑے سے 174 پاؤنڈ وصول کرنے ہیں جس کے لیے انہوں نے پولیس کو دھوکا دہی کی شکایت کی ہے۔