لاہور: (ویب ڈیسک) پاکستان سپر لیگ (پی ایس ایل) 7 میں لاہور قلندرز کے خلاف دوسرے ایلیمینیٹر سے قبل اسلام آباد یونائیٹڈ کے اہم کھلاڑی کی ٹیم میں واپسی ہوئی ہے۔
آئرلینڈ سے تعلق رکھنے والے جارح مزاج بیٹر پال سٹرلنگ اہم میچ میں ٹیم کے لیے دستیاب ہوں گے۔لاہور قلندرز اور اسلام آباد یونائیٹڈ کی ٹیموں کے مابین میچ آج شام 7:30 بجے کھیلا جائے گا۔اس میچ کی فاتح ٹیم فائنل میں ملتان سلطانز سے ٹکرائے گی۔پی ایس ایل 7 میں اسلام آباد یونائیٹڈ اور لاہور قلندرز کے مابین دو میچز کھیلے گئے جن میں قلندرز نے فتح سمیٹی۔
