چھتیس گڑھ: (ویب ڈیسک) بھارتی ریاست چھتیس گڑھ کے وزیر اعلیٰ بھوپیش بگھیل نے عجیب و غریب حرکت کرتے ہوئے بجٹ پیش کرنے کے لیے گائے کے گوبر سے بنا بریف کیس اسمبلی میں لے گئے۔
بھارتی میڈیا رپورٹس کے مطابق چھتیس گڑھ کے وزیر اعلیٰ گائے کے گوبر کے پاؤڈر سے بنے ایک بریف کیس کو اسمبلی میں مالی سال 2022-23 کے ریاستی بجٹ کو پیش کرنے کے لئے گئے جس میں بجٹ کی دستاویزات موجود تھیں۔
یہ بریف کیس 10 دنوں کی مدت میں رائے پور میں واقع گوٹھن (مویشیوں کے شیڈ کے احاطے) میں گائے کے گوبر کے پاؤڈر، گوند اور آٹے سمیت دیگر اجزاء کو ملا کر کونڈاگاؤں کے کاریگروں کی طرف سے لکڑی کے ہینڈل اور کلپس کا استعمال کرتے ہوئے بنایا گیا تھا۔
بریف کیس پر سنسکرت میں "گومے واستے لکشمی” لکھا ہوا تھا، جس کا ترجمہ ہے "دولت کی دیوی لکشمی گائے کے گوبر میں رہتی ہے”۔
بھارتی وزیراعلیٰ کی عجیب حرکت، گائے کے گوبر سے بنا بریف کیس اسمبلی لے گئے
