امریکی شہری نے ’موٹی زبان‘ کا عالمی ریکارڈ اپنے نام کرلیا

واشنگٹن: (ویب ڈیسک) امریکی شہری نے دنیا کی سب سے زیادہ موٹی زبان ہونے کا عالمی ریکارڈ اپنے نام کرلیا۔
گینز بک آف ورلڈ ریکارڈ میں نام درج کروانے کےلیے لوگ منفرد اور خطرناک امور کی انجام دہی سے بھی نہیں کتراتے مگر کچھ ایسے افراد بھی ہوتے ہیں جو اپنے جسم کی قدرتی ساخت کی بدولت عالمی ریکارڈ اپنے نام کرلیتے ہیں۔
ایسے ہی ایک امریکی نوجوان سے ملوارہے ہیں جو اپنی موٹی زبان کی بدولت عالمی شہرت کے حاصل کرنے میں کامیاب ہوگئے ہیں۔
ڈانتے برنیس کی زبان کی موٹائی 48 انچ ہے جس کی باعث ان کا نام گینز بک آف ورلڈ ریکارڈ میں درج کیا گیا ہے۔
میڈیا رپورٹس کے مطابق برنیس کی زبان پنگ پونگ بال جتنی موٹی ہے جو انتہائی حیرت انگیز بات ہے۔
امریکی نوجوان کا کہنا ہے کہ ویڈیوز دیکھ کر میں نے اپنی زبان کا حجم ناپنے کا فیصلہ اور ویڈیوز بناکر سوشل میڈیا شیئر کرنا شروع کیں تو یہ دیکھ کر حیران رہ گیا کہ میری ہر ویڈیو کو 2 کروڑ سے زائد لوگ دیکھ رہے تھے جب کہ ایک ویڈیو کو 6 کروڑ 30 لاکھ سے زائد صارفین نے دیکھا۔
برنیس کا کہنا ہے کہ میری زبان میرے لیے فخر کا باعث ہے اور اپنی زبان کو بطور تحفہ دیکھتا ہوں۔