بنگلا دیش کو آخری ٹیسٹ میں شکست، ویسٹ انڈیز کا سیریز میں کلین سویپ

سینٹ لوشیا: (ویب ڈیسک) بنگلا دیش کو دوسرے اور آخری ٹیسٹ میچ میں ویسٹ انڈیز نے 10 وکٹ سے شکست دیکر سیریز میں کلین سویپ کردیا۔
چوتھے روز کا پہلا سیشن بارش سے متاثر ہوا، تاہم بنگلا دیشی ٹیم اپنی دوسری ادھوری اننگز میں 186 رنز بناکر آؤٹ ہوگئی اور اس نے میزبان ٹیم کو میچ میں کامیابی کے لئے 13 رنز کا ہدف دیا جو ویسٹ انڈیز ٹیم نے نہ صرف بغیر کسی نقصان کے بآسانی حاصل کر لیا بلکہ میچ 10وکٹوں سے جیت کر دو میچوں کی سیریز کا مشن کلین سویپ بھی مکمل کرلیا۔
ویسٹ انڈیز کی طرف سے دوسری اننگز میں شاندار باؤلنگ کا مظاہرہ کرتے ہوئے کیمار روچ ، الزاری جوزف اور جیڈن سیلز نے 3، 3 کھلاڑیوں کو آؤٹ کیا، کائل میئرز کو شاندار بیٹنگ کا مظاہرہ کرنے پر میچ اور سیریز کے بہترین کھلاڑی قرار دیا گیا۔