قوم تیار ہوجائے اگلے چند روز میں عام انتخابات کا اعلان ہونے جارہا ہے، شہباز گل

لاہور:(ویب ڈیسک) پاکستان تحریک انصاف کے رہنما شہباز گل نے دعویٰ کیا ہے کہ آئندہ چند روز میں عام انتخابات کا اعلان ہوجائے گا۔ ضمنی انتخابات کے غیر حتمی غیر سرکاری نتائج کے دوران شہباز گل نے سماجی رابطے کی سائٹ پر ٹویٹ کرتے ہوئے کہا کہ ’ آج کے نتائج کے بعد ملک عام انتخابات کی طرف بڑھ رہا ہے‘۔ اُن کا کہنا تھا کہ ’قوم تیار ہو جائے، انشاللہ اگلے چند دن میں جنرل الیکشنز کا اعلان ہونے جا رہا ہے‘۔ شہباز گل نے کہا کہ ’اس وقت پوری قوم کی ایک ہی آواز ہے کہ غلامی کسی صورت قبول نہیں ہے، پاکستان کے عوام اپنے فیصلے خود کرنا چاہتی ہے اور عوام نے اپنا فیصلہ سنا دیا‘۔ واضح رہے کہ قومی اسمبلی کے 8 حلقوں میں ضمنی انتخابات ہورہے ہیں، جن میں سے 7 نشستوں پر پاکستان تحریک انصاف کے چیئرمین عمران خان خود الیکشن لڑرہے ہیں جن کے مدمقابل پی ڈی ایم کے مشترکہ امیدوار ہیں۔