ایران : (ویب ڈیسک) ایران میں 50 سال تک نہ نہانے والا شخص کو نہانہ اتنا مہنگا پڑا کہ وہ اپنی جان سے ہی ہاتھ دھو بیٹھا۔
امو حاجی نامی شخص کو خوف تھا کہ وہ پانی کے استعمال سے بیمار ہوجائیں گے، جس وجہ سے وہ صابن اور پانی سے دور رہے، اسی وجہ سے انہیں دنیا کا غلیظ ترین فرد قرار دیا گیا۔
امو حاجی نامی جوگی کا تعلق ایران کے جنوبی صوبہ فارس سے تھا، ان کے گاوں والوں نے بھی ان کو نہانے اور صاف رہنے کی کئی بار ترغیب دی لیکن وہ اس میں ناکام رہے، 94 سال کی عمر میں آکر وہ پہلی بار نہائے اور چند ماہ بعد ہی ان کا ناتقال ہو گیا۔
ایرانی میڈیا کا کہنا ہے کہ امو جی نے گاوں والوں کی ہی بات مانتے ہوئے غسل کیا، جس کے بعد وہ بیمار پڑ گئے۔
2014 میں انہوں نے تہران ٹائمز کو انٹرویو دیتے ہوئے کہا کہ انہیں خارپشت کھانا پسند ہے۔ وہ زمین میں کھودے ایک سوراخ میں رہتے تھے لیکن گاوں والوں نے ان کے لیے ایک جھونپڑی بنا دی۔
رپورٹ کے مطابق کئی سال تک بغیر نہائے رہنے کی وجہ سے ان کے جسم کی جلد پر پھوڑے بن چکے تھے جبکہ ان کی خوراک گلے سڑے گوشت اور گندے پانی پر مشتمل تھی جس کو پینے کے لیے وہ ایک تیل کے ڈبے کا استعمال کرتے تھے۔
اموجی کو سیگرٹ کی بھی بہت عادت تھی، ان کو کئی بار ایک ساتھ کئی کئی سیگرٹ پیتے دیکھا گیا۔
دنیا کا گندا ترین شخص نہانے کے بعد چل بسا
