اسلام آباد: (ویب ڈیسک) چوتھی ایشین اوپن تائیکوانڈو چیمپئن شپ کا اسلام آباد میں رنگا رنگ آغاز ہو گیا۔
چیمپئن شپ میں 18 ممالک کے 400 سے زائد ایتھلیٹس شریک ہورہے ہیں، وفاقی وزیر بین الصوبائی رابطہ احسان مزاری نے چیمپئن شپ کا افتتاح کیا، کوریا، قازقستان، نیپال سمیت دیگر ممالک کے سفرا بھی افتتاحی تقریب میں شریک ہوئے۔
وفاقی وزیر برائے بین الصوبائی رابطہ احسان مزاری نے افتتاحی تقریب سے خطاب کرتے ہوئے کہا کہ ایشین چیمپئن شپ کے انعقاد سے دنیا میں پاکستان کا سافٹ امیج اجاگر ہوگا، حکومت پاکستان میں کھیلوں کی ترقی کے لیے کوشاں ہے، امید ہے چیمپئن شپ میں شریک غیر ملکی کھلاڑی اچھی یادیں واپس لے کر جائیں گے۔
ایشین اوپن تائیکوانڈو چیمپئن شپ کا آغاز، 18 ممالک کے ایتھلیٹس شریک
