لاہور: (ویب ڈیسک) ملک بھر میں فی تولہ سونے کی قیمت میں 550 روپے کی کمی ریکارڈ کی گئی ہے۔
تفصیلات کے مطابق بین الاقوامی مارکیٹ میں فی اونس سونے کی قیمت میں 2 ڈالر کا اضافہ دیکھا گیا اور نئی قیمت 1655 ڈالر ہو گئی ہے۔
دوسری طرف ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی سمیت دیگر جگہوں پر فی تولہ سونے کی قیمت میں 550 روپے کی کمی دیکھی گئی اور نئی قیمت ایک لاکھ 51 ہزار روپے ہو گئی ہے۔
اُدھر 10 گرام سونا 472 روپے سستا ہوکر ایک لاکھ 29 ہزار 458 روپے کا ہوگیا۔
مزید برآں چاندی کی قیمت 1590 روپے کی تولہ پر مستحکم رہی
