لندن: (ویب ڈیسک) انگلش پریمیئر فٹ بال لیگ میں مزید 7 میچز 11 مارچ کو کھیلے جائیں گے۔
پریمیئر لیگ کے دلچسپ مقابلے انگلینڈ میں جاری ہیں، انگلش پریمیئر لیگ میں 11 مارچ کو کھیلے جانے والے پہلے میچ میں بورن ماؤتھ کا مقابلہ لیورپول کی ٹیم سے ہوگا، دوسرا میچ ایورٹن اور برینٹ فورڈ کی ٹیموں کے درمیان کھیلا جائے گا۔
تیسرے میچ میں لیڈز یونائیٹڈ اور برائٹن اینڈ ہوو البیون کی ٹیمیں پنجہ آزمائی کریں گی، چوتھا میچ لیسٹرسٹی اور چیلسی کی ٹیموں کے درمیان کھیلا جائے گا جبکہ پانچویں میچ میں ٹوٹنہم ہاٹ پور اور ناٹنگھم فاریسٹ کی ٹیموں کے درمیان کھیلا جائے گا۔
چھٹے میچ میں کرسٹل پیلس اور دفاعی چیمپئن مانچسٹر سٹی کی ٹیمیں آمنے سامنے ہوں گی جبکہ ساتویں میچ میں مانچسٹر یونائیٹڈ اور ساؤتھمپٹن کی ٹیمیں نبردآزما ہوں گی۔
واضح رہے کہ انگلش پریمیئر لیگ میں اب تک کھیلے گئے میچز کے بعد آرسنل کی ٹیم سب سے زیادہ 63 پوائنٹس کے ساتھ ٹیبل پر ٹاپ پوزیشن پر برقرار ہے، دفاعی چیمپئن مانچسٹر سٹی کی ٹیم 58 پوائنٹس کے ساتھ دوسرے جبکہ مانچسٹر یونائیٹڈ کی ٹیم 49 پوائنٹس کے ساتھ تیسرے نمبر پر ہے۔
انگلش پریمیئر لیگ : مزید سات میچوں کا فیصلہ 11 مارچ کو ہوگا
