کراچی:(ویب ڈیسک) وفاقی وزیر سید فیصل سبزواری نے کہا کہ موجودہ مردم شماری پر ہمیں تشدید تحفظات ہیں، ہم اور آپ درست نہیں گنے جائیں گے تو پانی کی تقسیم بھی غلط ہو گی۔
عوام سے خطاب کرتے ہوئے وفاقی وزیر نے کہا کہ پاکستان میں آبادی کے تناسب سے وفاق صوبوں کو ٹیکس دیتا ہے، 2017 میں ہمیں ہر مردم شماری میں محض ایک کروڑ 60 لاکھ گنا گیا، پی ٹی آئی سے تحریری معاہدہ کیا ہماری مردم شماری کو درست کریں، پی ٹی آئی نے نہیں مانا تو ہم نے 2019 میں ان کی کابینہ چھوڑ دی۔
فیصل سبزواری نے کہا کہ ہر شخص کے پاس کمپیوٹرائزڈ شناختی کارڈ ہے، مردم کو شفاف کرنا ہے تو نادرا سے مدد لینا ضروری ہے، ہم اور آپ درست نہیں گنے جائیں گے، پانی کی تقسیم بھی غلط ہو گی، آبادی کی بنیاد پر یہ طے ہوتا ہے کہ سرکار کیا کیا دے گی۔
وفاقی وزیر کا کہنا تھا کہ صرف ایک نکتہ کی وجہ سے ہمیں صحیح گنا نہیں جا رہا، صرف اس لئے کہ صوبائی و قومی اسمبلیوں کی نشستیں بھی آبادی کے حساب سے بنتی ہیں۔
انہوں نے کہا کہ تھر میں آبادی 300 فیصد بڑھی ہے، کراچی کی آبادی 60 فیصد بڑھی ہے، یہ مردم شماری ہمارے لئے انتہائی اہم ہے، ووٹ کیلئے سب آتے ہیں، کونسی جماعت ہے جو لوگوں کےساتھ کھڑی ہے۔
فیصل سبزواری نے کہا کہ شہباز گل کے خلاف ہلکا پھلکا مقدمہ قائم کیا، ایم کیو ایم کی لیڈر شپ پر اشتعال انگیز تقریر پر 28 ایف آئی آر کاٹی گئیں۔
ہم اور آپ درست نہیں گنے گئے تو پانی کی تقسیم بھی غلط ہو گی، فیصل سبزواری
