الیکشن ٹربیونل پشاور ہائیکورٹ ایبٹ آباد بینچ نے مسلم لیگ (ن) کے قائد اور سابق وزیراعظم نواز شریف کو نوٹس جاری کر دیا۔
ہزارہ ڈویژن سے قومی اور صوبائی اسمبلی کے 25 امیدواروں نے الیکشن ٹربیونل میں اپیلیں دائرکر رکھی ہیں۔
الیکشن ٹربیونل پشاور ہائیکورٹ بینچ میں امیدواروں کی اپیلیوں کی سماعت ہوئی جس میں پی ٹی آئی رہنما اعظم سواتی کی طرف سے نواز شریف کے خلاف دائر کیے گئے اعتراض پر الیکشن ٹربیونل پشاور ہائیکورٹ بینچ نے سابق وزیراعظم کو نوٹس جاری کر دیا۔
نواز شریف این اے 15 مانسہرہ سے انتخابات لڑ رہے ہیں، الیکشن ٹربیونل نے میاں نواز شریف کو کل کے لیے نوٹس جاری کیا۔
پی ٹی آئی رہنما اعظم سواتی کے این اے 15 سے کاغذات نامزدگی مسترد ہوئے ہیں جس پر اعظم خان سواتی نے الیکشن ٹربیونل میں اپیل دائر کر رکھی ہے۔
