بالی ووڈ سُپر اسٹاراکشے کمار کا اہلیہ کو گریجویشن ڈے پر لکھے گئے دلکش نوٹ نے سب کو جذباتی کردیا۔
اکشے کمار نے اپنے سوشل میڈیا اکاؤنٹ انسٹاگرام پر اپنی اہلیہ ٹوئنکل کھنہ کے ہمراہ ایک تصویر شیئر کی ہے جو ٹوئنکل کھنہ کے گریجویشن ڈے کی ہے۔
بالی ووڈ اداکار نے ٹوئنکل کی خوبیوں کو سراہتے ہوئے ایک خوبصورت نوٹ بھی تحریر کیا۔
انہوں نے لکھا کہ ’دو سال پہلے جب آپ نے مجھ سے کہا تھا کہ آپ دوبارہ تعلیم حاصل کرنا چاہتی ہیں تو میں نے سوچا کہ کیا آپ کا مطلب یہ ہے۔ لیکن جس دن میں نے آپ کو اتنی محنت کرتے ہوئے دیکھا اور گھر، کیریئر، مجھے اور بچوں کے ساتھ ساتھ ایک مکمل طالب علم کی زندگی کا انتظام کرتے ہوئے دیکھا، مجھے پتہ چل گیا کہ میں نے ایک سُپر وومن سے شادی کی ہے‘۔
اکشے کمار نے اہلیہ پر فخر کرتے ہوئے مزید لکھا کہ ’آج آپ کی گریجویشن کے بعد، میری یہ بھی خواہش ہے کہ میں نے آپ کو یہ بتانے کے لیے تھوڑا سا مطالعہ کیا ہوتا کہ آپ پر مجھے کتنا فخرہے‘۔
اکشے کمار نے حال ہی میں ’مشن رانی گنج‘ میں جسونت سنگھ گل کا کردار ادا کیا تھا۔ وہ جلد ’سورائی پوترو‘ کے ہندی ریمیک میں نظر آئیں گے۔
ٹوئنکل کھنہ نے حال ہی میں اپنی نئی کتاب ’ویلکم ٹو پیراڈائز‘ لانچ کی ہے۔
