بھارتی میڈیا نے دعویٰ کیا ہے کہ مسلم لیگ ن کے سپریم لیڈر محمد نواز شریف اور پاکستان پیپلز پارٹی کے شریک چیئرمین آصف علی زرداری نے لاہور میں ملاقات کی ہے۔
معروف بھارتی جریدے انڈیا ٹوڈے کی ویب سائٹ نے ایک رپورٹ میں دعویٰ کیا کہ پاکستان پیپلز پارٹی کے ذرائع کے مطابق سابق سدرِ مملکت اور سابق وزیر اعظم کی ملاقات جمعہ کو رات گئے ہوئی جس میں ممکنہ حکومت سازی کے حوالے سے مختلف معاملات کا جائزہ لیا گیا۔
یہ ملاقات جمعہ کی شام محمد نواز شریف کی طرف سے فتح کے اعلان اور متعلقہ خطاب کے بعد ہوئی جب انہوں نے اپنے اتحادیوں کو مخلوط حکومت کی تشکیل میں شرکت کی دعوت دی۔
پاکستانی میڈیا میں یہ خبر گرم رہی ہے کہ محمد نواز شریف کی ہدایت پر مسلم لیگ ن کے صدر اور سابق وزیر اعظم شہباز شریف نے جمعہ کی شب پاکستان پیپلز پارٹی کی قیادت سے رابطہ قائم کیا تھا۔
