الیکشن کمیشن آف پاکستان (ای سی پی) نے قومی اسمبلی کے حلقہ این اے 128 لاہور سے کامیابی کا نوٹیفکیشن واپس لے لیا۔
تفصیلات کے مطابق الیکشن کمیشن نے استحکام پاکستان پارٹی کے رہنما عون چوہدری کی جیت کا نوٹیفکیشن واپس لے لیا۔
الیکشن کمیشن نے حلقہ این اے 128 سے کامیابی کا نوٹیفکیشن واپس لے لیا۔
ڈی جی لاء الیکشن کمیشن ارشد خان نے اسلام آباد ہائیکورٹ میں بیان دیتے ہوئے کہا کہ 12 فروری کا این اے 128 کا نوٹیفکیشن واپس لے رہے ہیں۔
الیکشن کمیشن نے اسلام آباد ہائیکورٹ کو آگاہ کر دیا۔
واضح رہے کہ جہانگیر ترین کی استحکام پاکستان پارٹی کی جانب سے عون چوہدری اور پاکستان تحریک انصاف کے حمایت یافتہ آزاد امیدوار سلمان اکرم راجہ حلقہ این اے 128 سے ایک دوسرے کے خلاف مدمقابل آئے تھے۔
الیکشن کمیشن کی جانب سے جاری کردہ سرکاری نتائج کے مطابق محمد عون ثقلین ایک لاکھ 72 ہزار576 ووٹ حاصل کر کے کامیاب ٹھہرے جبکہ سلمان اکرم راجہ ایک لاکھ 59 ہزار 24 ووٹ حاصل کرکے دوسرے نمبر پررہے تھے۔
عون چوہدری کی جیت: نور بخاری نے منفی تبصرے کرنے والوں کو خبردار کردیا
سلمان اکرم راجہ نے انتخابی نتائج چیلنج کیے تھے جس پر سماعت کے بعد عدالت نے الیکشن کمیشن کو این اے 128 کا نتیجہ جاری کرنے سے روکا تھا۔
