موبائل اور لیپ ٹاپ استعمال کرنے والوں کیلئے مفید خبر

جنیوا(خصوصی رپورٹ)سوئٹزر لینڈ کی بازل یونیورسٹی کے شعبہ برائے کرونو بائیولوجی کے ماہرین نے اپنی تحقیقی رپورٹ میں کہا ہے کہ موبائل اور سمارٹ فون پر ایس ایم ایس پڑھتے ہوئے یا پھر لیپ ٹاپ کا استعمال کرتے ہوئے انسان چوکس ہوجاتا ہے اور اس کی نیند غائب ہونا شروع ہو جاتی ہے ، اس کے علاوہ سمارٹ فون، ٹیبلٹ اور لیپ ٹاپ استعمال کرنیوالا شخص فطری گہری نیند سے بھی محروم ہوجاتا ہے ۔ اس کی وجہ ان آلات سے نکلنے والی نیلی روشنی ہے ۔انسان کا اعصابی نظام انتہائی حساس ہے اور نیلی روشنی پر بہت تیزی سے ردعمل ظاہر کرتا ہے ۔ نیلی روشنی فوری طور پر انسان کی اس اندرونی گھڑی کو متاثر کرتی ہے جو ہماری نیند کیساتھ منسلک ہوتی ہے ۔