پیرس اولمپکس 2024 کے آغاز سے قبل ہی 86 لاکھ سے زائد ٹکٹس فروخت ہوگئے۔
میڈیا رپورٹس کے مطابق اولمپکس 2024 کے منتظم ٹونی ایسٹانگوئٹ کا کہنا ہے کہ پیرس اولمپکس کے آغاز سے قبل ہی مداحوں کی جانب سے دلچسپی دیکھنے کو مل رہی ہے جس کے 86 لاکھ سے زائد ٹکٹس ایونٹ کے آغاز سے پہلے فروخت ہوچکے ہیں۔
منتظمین نے توقع ظاہر کی ہے کہ 26 جولائی سے 11 اگست تک ہونے والے ایونٹ میں ٹکٹوں کی فروخت کی تعداد 10 ملین (یعنی 1 کروڑ سے زائد) ہو جائے گی جبکہ 28 اگست سے 8 ستمبر تک ہونے والے پیرا اولمپکس کیلئے 3.4 ملین اضافی افراد کی آمد بھی متوقع ہے۔
منتظمین کا کہنا ہے کہ سال 1996 کے اٹلانٹا گیمز میں 83 لاکھ ٹکٹس بیچے گئے تھے تاہم ایونٹ کے آغاز سے قبل ریکارڈ توڑنا قابلِ فخر ہے تاہم کوشش ہے نیا ریکارڈ بنائیں۔
