لندن (ویب ڈیسک)قسمت کی دیوی مہربان ہو تو کامیابی قدموں میں آگرتی ہے۔ برطانیہ میں ایک مقامی مقابلہ حسن کی کوریج کے لئے جانے والی خاتون صحافی بیوٹی کوئین بن گئی۔ چوبیس سالہ لارا گڈرہیم ایک صحافی ہیں۔ انہیں ان کے ادارے کی جانب سے ایک مقامی مقابلہ حسن کی کوریج کی کے لئے بھیجا گیا۔ نوٹس لیتے اور تصاویر بناتے لارا کو ایک سابق ملکہ حسن نے دیکھا اور انہیں خود مقابلے میں حصہ لینے کا مشورہ دیا۔ لارا نے پہلے تو انکار کیا لیکن اصرار پر آڈیشن کے لئے تیار ہو گئیں۔ ابتدائی مراحل میں کامیابی کے بعد انہیں مس گریٹ گرمسبی میں بھیجا گیا اور خود بیوٹی کوئین بن گئیں۔ یہ مقابلہ جیتنے کے بعد لارا نے مس انگلینڈ مقابلے میں حصہ لینے لئے کوالیفائی کر لیا ہے۔
