اسرائیلی فوج نے شام میں داخل ہونے کی کوشش کرنے والے 100 سے زائد اسرائیلی آبادکاروں کو حراست میں لے لیا ہے۔
رپورٹس کے مطابق یہ افراد بشان پائنیئرزنامی ایک اسرائیلی آبادکار تنظیم سے وابستہ ہیں۔ تنظیم کا دعویٰ ہے کہ اس کے ارکان متعدد بار شام میں داخل ہو چکے ہیں اور وہ شام کے جنوب مغربی علاقے میں اسرائیلی آبادکاری کے قیام کی حمایت کرتے ہیں، جسے وہ اسرائیل کا حصہ قرار دیتے ہیں۔
جنوری 2025 میں صدر احمد الشرع کے اقتدار سنبھالنے کے بعد سے اسرائیل نے شام کی سیکڑوں مربع کلومیٹر زمین پر قبضہ کر رکھا ہے۔ بشان پائنیئرز اسرائیلی حکومت سے مطالبہ کر رہے ہیں کہ ان مقبوضہ علاقوں میں نئی آبادیاں قائم کی جائیں تاکہ ان علاقوں پر اسرائیل کا کنٹرول مزید مضبوط ہو سکے۔
