پاکستان نیوی اور پاکستان میری ٹائم سیکیورٹی ایجنسی نے اورماڑہ کے مشرق میں ڈوبتے ہوئے کارگو دھاؤ سے عملے کے تمام 20 افراد کو بحفاظت بچا لیا۔
آئی ایس پی آر کے مطابق ہنگامی اطلاع ملتے ہی پی این ایس حنین اور فضائی وسائل کو فوری طور پر روانہ کیا گیا، جنہوں نے مشکل حالات اور شدید پانی بھرنے کے باوجود کامیاب ریسکیو آپریشن مکمل کیا۔
تمام پاکستانی عملے کے افراد کو بحفاظت نکال کر ضروری طبی امداد فراہم کی گئی۔ یہ کامیابی سمندری ہنگامی حالات میں پاک بحریہ اور پی ایم ایس اے کی تیاری، پیشہ ورانہ صلاحیت اور انسانی زندگیوں کے تحفظ کے عزم کی عکاس ہے۔
