عوام کے درمیان رہ کر مسائل حل کریں گے، ڈی سی جہلم

پنڈ دادنخان (تحصیل رپورٹر) ڈپٹی کمشنر جہلم میر رضا اوزگن سے معروف سینئر صحافی، تجزیہ کار و کالم نگار صفر علی خان نے خصوصی ملاقات کی۔ ملاقات انتہائی خوشگوار ماحول میں ہوئی، جس میں ضلع جہلم کے انتظامی امور، عوامی مسائل، ترقیاتی سرگرمیوں اور مختلف سرکاری محکموں کی کارکردگی سمیت اہم امور پر تفصیلی تبادلہ خیال کیا گیاملاقات کے دوران صفر علی خان نے ضلع کے مختلف علاقوں میں شہریوں کو درپیش مسائل اور عوامی توقعات سے ڈپٹی کمشنر کو آگاہ کیا، جبکہ میر رضا اوزگن نے عوامی مسائل کے حل، انتظامی ترجیحات اور محکمانہ امور کے حوالے سے اپنے مقف سے آگاہ کیا۔ڈپٹی کمشنر میر رضا اوزگن نے کہا کہ عوامی خدمت ان کی اولین ترجیح ہے، ہر سائل عزت و احترام کا مستحق ہے اور شہریوں کی بات بغور سننا انتظامیہ کی بنیادی ذمہ داری ہے۔ جائز مسائل کو قانون اور میرٹ کے مطابق حل کرنے کے لیے متعلقہ محکموں کو ضروری ہدایات جاری کی جاتی ہیں۔انہوں نے کہا کہ انتظامیہ اور عوام کے درمیان مضبوط رابطہ بہتر حکمرانی کی بنیاد ہے۔ شہریوں کو درپیش مسائل کی بروقت نشاندہی اور ان کے حل کے لیے تمام دستیاب وسائل بروئے کار لائے جا رہے ہیں۔ملاقات کے دوران ڈپٹی کمشنر کے شائستہ اندازِ گفتگو، عوام دوست رویے اور سائلین کی بات تحمل سے سننے کو سراہا گیا۔ خوشگوار ماحول میں ہونے والی ملاقات کے اختتام پر ضلع جہلم میں عوامی فلاح و بہبود اور مثبت صحافت کے فروغ کے لیے باہمی تعاون کے عزم کا اظہار کیا گیا