لاہور(کورٹ رپورٹر)لاہور ہائیکورٹ کے جسٹس خالد اسحاق نے اسسٹنٹ ڈائریکٹرز کی آسامیوں پر تعیناتی نہ کرنے کیخلاف درخواست پر پنجاب فوڈ اتھارٹی کو ایک لاکھ روپے جرمانہ کردیا، عدم ادائیگی کی صورت میں ڈی جی فوڈ اتھارٹی کو ذاتی حیثیت میں عدالت طلب کرنے کا حکم دے دیا، درخواست گزاران کے وکیل مبشر الثاقب نے موقف اختیار کیا کہ اسسٹنٹ ڈائریکٹر کی آسامیوں کے لیے درخواستیں جمع کرائی تھیں، کم نمبر لینے والے امیدواروں کو تعینات کردیا گیا، وکیل کے مطابق انٹرویو کے پانچ نمبر مقرر کیے گئے تھے، درخواست گزاران نے مجموعی طور پر زیادہ نمبر حاصل کئے لیکن انٹرویو میں کم نمبر دیئے گئے اور تعیناتی نہیں کی گئی، عدالت نے ریمارکس دیے کہ سال 2019 سے آپ کیس پر دلائل نہیں دے رہے، پنجاب فوڈ اتھارٹی کے وکیل نے آئندہ سماعت پر دلائل دینے کی یقین دہانی کرائی۔
