اسلام آباد(نامہ نگار خصوصی) فیڈرل گورنمنٹ ایمپلائز ہاسنگ اتھارٹی (FGEHAکے ایگزیکٹو بورڈکا 52واں اجلاس وزارتِ ہاسنگ و تعمیرات میں منعقد ہوا۔ اجلاس کی صدارت وفاقی وزیرِ ہاسنگ و تعمیرات جناب میاں ریاض حسین پیرزادہ نے کی، جبکہ سیکرٹری ہاسنگ و تعمیرات جناب کیپٹن (ریٹائرڈ) محمد محمود ، ڈائریکٹر جنرل ایف جی ای ایچ اے کیپٹن (ریٹائرڈ) محمد ظفر اقبال اور بورڈ کے دیگر اراکین نے شرکت کی۔اجلاس کے دوران ایف جی ای ایچ اے کے جاری ہاسنگ منصوبوں، حالیہ پیش رفت، کامیاب نیلامی اور مستقبل کے لائح عمل کا تفصیلی جائزہ لیا گیا۔وفاقی وزیرِ ہاسنگ و تعمیرات نے ایف جی ای ایچ اے کی جانب سے حالیہ کامیاب نیلامی پر اطمینان کا اظہار کرتے ہوئے کہا کہ اتھارٹی کی جانب سے کی جانے والی مسلسل اور انتھک محنت کے مثبت نتائج سامنے آ رہے ہیں۔ انہوں نے کہا کہ وزیراعظم پاکستان کے وژن کے مطابق وزارتِ ہاسنگ و تعمیرات اور ایف جی ای ایچ اے کی جانب سے کی جانے والی کاوشیں قابلِ تحسین ہیں، جن کے نتیجے میں سرمایہ کاروں نے ایف جی ای ایچ اے پر بھرپور اعتماد کا اظہار کیا ہے۔ وزیرِ ہاسنگ و تعمیرات نے اس اہم پیش رفت پر سیکرٹری ہاسنگ و تعمیرات اور ڈائریکٹر جنرل ایف جی ای ایچ اے کو مبارکباد دیتے ہوئے کہا کہ وزارت اور ایف جی ای ایچ اے کیباہمی تعاون سے ہاسنگ کے شعبے میں اہم پیش رفت کر رہے ہیں۔ اس سے پہلے وفاقی وزیر ہاسنگ اینڈ تعمیرات فیڈرل گورنمنٹ ایمپلائیز ہاسنگ اتھارٹی کے کچھ پروجیکٹس کی کارکردگی پر تشویش کا اظہار کرتے تھے لیکن اس بار انہوں نے اطمینان کا اظہار کیا،اور مزید کہاکہ ایف جی ای ایچ اے کے مختلف منصوبے تیزی سے آگے بڑھ رہے ہیں، جن میں سیکٹر ایف-14، ایف-15، ڈی ایچ اے کے ساتھ جوائنٹ وینچرمنصوبہ مارگلہ آرچرڈ سمیت دیگر ہاسنگ پراجیکٹس شامل ہیں۔ ان منصوبوں کو مزید مثر انداز میں آگے بڑھانے کے لیے تمام ممکنہ اقدامات کیے جائیں گے۔اس موقع پر جناب ڈاکٹر سید توقیر حسین شاہ ،ایڈوائزر ٹو پرائم منسٹر آف پاکستان ،فیڈرل منسٹر فار اسٹیبلشمنٹ احد خان چیمہ کی خدمات کو بھی خصوصی طور پر سراہا گیا، جنہوں نے نیشنل ہاسنگ پالیسی کی تیاری اور وزارتِ ہاسنگ و تعمیرات سے متعلق اہم امور اور ڈرافٹس اپروو کروانے میں اہم کردار ادا کیا۔ ان کی کاوشوں کو ہاسنگ سیکٹر میں پالیسی سازی اور مستقبل کے اقدامات کے حوالے سے اہم قرار دیا گیا۔ وزیرِ ہاسنگ و تعمیرات نے کہا کہ ایف جی ای ایچ اے کی حالیہ کامیاب نیلامی سرمایہ کاروں کے بڑھتے ہوئے اعتماد کا ایک اہم سنگِ میل ہے۔ سرمایہ کاروں کا ایف جی ای ایچ اے پر اعتماد اس بات کا واضح اظہار ہے کہ اتھارٹی اپنے منصوبوں کو آگے بڑھانے اور ہاسنگ کے شعبے میں نئی سرمایہ کاری کے مواقع پیدا کرنے میں کامیاب ہو رہی ہے۔ انہوں نے کہا کہ ایف جی ای ایچ اے کے موجودہ الاٹیز کو ان کے پلاٹس کی فراہمی کے عمل کو مزید تیز کیا جائے گا اور جن الاٹیز کو پلاٹس الاٹ ہو چکے ہیں، انہیں ترقیاتی کاموں میں مزید پیش رفت کے ساتھ جلد از جلد پلاٹس کا قبضہ فراہم کرنے کے لیے اقدامات کیے جائیں گے۔وزیرِ ہاسنگ و تعمیرات نے مزید کہا کہ ویٹنگ لسٹ میں موجود الاٹیز کے لیے نئی ہاسنگ اسکیمیں متعارف کرانے پر بھی کام کیا جا رہا ہے۔تاکہ انہیں بھی رہائشی سہولیات کی فراہمی ممکن بنائی جا سکے۔ اسی طرح زیرِ التوا ہاسنگ منصوبوں کو بھی جلد مکمل کرنے اور انہیں عملی طور پر آگے بڑھانے کے لیے بھرپور کوششیں کی جائیں گی۔ اجلاس میں اس عزم کا اعادہ کیا گیا کہ وزارتِ ہاسنگ و تعمیرات اور ایف جی ای ایچ اے باہمی تعاون سے جاری ہاسنگ منصوبوں کو تیزی سے مکمل کرنے، نئے منصوبوں کو عملی جامہ پہنانے، الاٹیز کو بروقت سہولیات فراہم کرنے اور سرمایہ کاروں کے اعتماد کو مزید مستحکم بنانے کے لیے تمام ممکنہ اقدامات جاری رکھیں گے
