لاہور’راولپنڈی(جنرل رپورٹر’خصوصی رپورٹر) پنجاب کے 13 اضلاع میں انسدادِ پولیو کی خصوصی مہم 21 ستمبر سے شروع ہوگی، جبکہ راولپنڈی میں پانچ سال سے کم عمر 10 لاکھ کے قریب بچوں کو پولیو سے بچا کے قطرے پلانے کا ہدف مقرر کیا گیا ہے۔ضلع میں مہم کے لیے 8 ہزار سے زائد ٹیم ممبران خدمات انجام دیں گے۔چیف ایگزیکٹو آفیسر ڈسٹرکٹ ہیلتھ اتھارٹی راولپنڈی ڈاکٹر احسان غنی نے کہا کہ پانچ سال سے کم عمر ہر بچے تک پولیو ویکسین کی رسائی یقینی بنانا ہماری اولین ترجیح ہے۔ راولپنڈی میں گھر گھر ویکسی نیشن کے ساتھ ساتھ ٹرانزٹ پوائنٹس اور ہسپتالوں میں بھی بچوں کو پولیو سے بچا کے قطرے پلائے جائیں گے۔ڈاکٹر احسان غنی نے کہا کہ 21 سے 27 ستمبر تک جاری رہنے والی مہم کے دوران زیادہ خطرے والے اور زیادہ نقل و حرکت والے علاقوں پر خصوصی توجہ دی جائے گی۔ راولپنڈی کی جغرافیائی اور آبادیاتی صورتحال کے پیش نظر ایسے بچوں تک رسائی انتہائی اہم ہے جو سفر، عارضی نقل مکانی یا دیگر وجوہات کی بنا پر اپنے گھروں پر موجود نہیں ہوتے۔انہوں نے کہا کہ آبادی کی نقل و حرکت پولیو پروگرام کے لیے ایک اہم چیلنج ہے، کیونکہ ایک علاقے سے دوسرے علاقے میں منتقل ہونے والے خاندانوں کے بچوں تک مسلسل رسائی برقرار رکھنا ضروری ہے۔ ٹرانزٹ ویکسی نیشن اس حکمت عملی کا اہم حصہ ہے تاکہ سفر کرنے والا کوئی بچہ پولیو ویکسین سے محروم نہ رہ جائے۔ڈاکٹر احسان غنی نے کہا کہ "کوئی بچہ سفر میں ہونے کی وجہ سے پولیو ویکسین سے محروم نہیں رہنا چاہیے۔” انہوں نے والدین سے اپیل کی کہ وہ پولیو ٹیموں کے ساتھ بھرپور تعاون کریں اور پانچ سال سے کم عمر اپنے تمام بچوں کو پولیو سے بچا کے قطرے ضرور پلوائیں۔انہوں نے بتایا کہ راولپنڈی میں گھر گھر ویکسی نیشن کے لیے موبائل ٹیمیں، فکسڈ مراکز اور ٹرانزٹ ٹیمیں تعینات کی گئی ہیں۔ ٹیمیں ان بچوں تک بھی رسائی یقینی بنائیں گی جو مہم کے دوران اپنے گھروں پر موجود نہیں ہوں گے۔ منظم ٹرانزٹ ویکسی نیشن ماضی کی مہمات میں بھی ایسے بچوں تک رسائی کا اہم ذریعہ رہی ہے۔ڈاکٹر احسان غنی نے کہا کہ راولپنڈی میں مہم کی مثر نگرانی، ٹیموں کی فیلڈ سپروژن اور مسنگ بچوں کی فوری فالو اپ کوریج پر خصوصی توجہ دی جائے گی۔ انہوں نے کہا کہ کسی بھی رہ جانے والے بچے کو مہم کے اختتام تک کور کرنے کے لیے ضلعی ٹیمیں مربوط انداز میں کام کریں گی۔پنجاب بھر میں مہم کے دوران ایک کروڑ سے زائد بچوں کو پولیو سے بچا کے قطرے پلانے کا ہدف مقرر کیا گیا ہے۔ مجموعی طور پر **39 ہزار 774 ٹیمیں مہم کا حصہ ہوں گی، جن میں موبائل، فکسڈ اور ٹرانزٹ ٹیمیں شامل ہیں۔مہم کے دوران پنجاب کے 13 اضلاع کے مکمل یا جزوی علاقوں میں ویکسی نیشن سرگرمیاں جاری رہیں گی۔ لاہور میں مہم سات روز تک، 27 ستمبر تک جاری رہے گی، جبکہ دیگر ہدف والے اضلاع میں ویکسی نیشن سرگرمیاں چار روز تک جاری رہیں گی۔ڈاکٹر احسان غنی نے کہا کہ پولیو کے خاتمے کے لیے ویکسی نیشن کے ساتھ مثر نگرانی، درست مائیکرو پلاننگ اور ہر بچے تک مسلسل رسائی ضروری ہے۔ انہوں نے پولیو ٹیموں پر زور دیا کہ وہ کمیونٹی کے ساتھ مثر رابطہ برقرار رکھیں اور والدین کے تحفظات کا جواب دے کر ویکسی نیشن میں تعاون حاصل کریں۔انہوں نے کہا کہ پولیو کے خلاف جنگ میں والدین، صحت کارکنان، ضلعی انتظامیہ، مذہبی و سماجی رہنماں اور معاشرے کے تمام طبقات کا تعاون ضروری ہے۔ڈاکٹر احسان غنی نے کہا کہ "ہماری ترجیح راولپنڈی کے ہر اہل بچے کو پولیو ویکسین کی دو بوندیں پہنچانا ہے۔ ہم اس مہم کے دوران کسی بھی بچے کو پیچھے نہیں چھوڑیں گے۔”انہوں نے کہا کہ راولپنڈی میں پولیو کے خلاف حفاظتی اقدامات کا سلسلہ پوری ذمہ داری کے ساتھ جاری رکھا جائیگا،
