اسلام آباد (عادل عباسی)پاکستان تحریک انصاف اور حکومت کے درمیان جاری رابطے کسی بڑی پیش رفت کے بغیر ختم ہوگئے، وزیر داخلہ محسن نقوی اور سینیٹ میں اپوزیشن لیڈر علامہ راجہ ناصر عباس کے درمیان ہونے والی اہم ملاقات بھی 27 ستمبر کے احتجاج اور سیاسی کشیدگی کے معاملے پر کوئی بڑا بریک تھرو کروانے میں ناکام رہی۔ذرائع کے مطابق حکومت اور پاکستان تحریک انصاف کےدرمیان پس پردہ رابطوں کے باوجود معاملات میں کوئی قابلِ ذکر پیش رفت نہیں ہوسکی۔ ذرائع کا کہنا ہے کہ حکومت کی جانب سے یہ پیغام دیا گیا کہ اگر پی ٹی آئی بات چیت کے لیے تیار نہیں تو پھر حکومت کو بھی مذاکرات کی ضرورت نہیں، معاملات کو اسی انداز میں آگے بڑھایا جائے گا۔ذرائع کے مطابق محسن نقوی اور راجہ ناصر عباس کی ملاقات میں 27 ستمبر کو پاکستان تحریک انصاف کے اسلام آباد مارچ، احتجاجی حکمت عملی اور موجودہ سیاسی صورتحال پر تفصیلی گفتگو ہوئی، تاہم ملاقات کسی ایسے فارمولے پر اتفاق رائے پیدا نہ کرسکی جس سے 27 ستمبر کے احتجاج کو مخر یا محدود کرنے کی راہ ہموار ہوسکے۔ذرائع کا کہنا ہے کہ ملاقات کے باوجود حکومت اور پی ٹی آئی کے درمیان پیدا ہونے والی خلیج کم نہیں ہوسکی، جبکہ 27 ستمبر کے احتجاج کے حوالے سے پاکستان تحریک انصاف اپنے مقف پر قائم ہے۔ دوسری جانب حکومت بھی اسلام آباد میں امن و امان کی صورتحال برقرار رکھنے کے لیے اپنی حکمت عملی تیار کر رہی ہے۔ذرائع نے دعوی کیا ہے کہ 27 ستمبر کے بعد پاکستان تحریک انصاف کے لیے سیاسی حالات مزید سخت ہوسکتے ہیں اور احتجاج کے بعد حکومت کی جانب سے پارٹی کی سیاسی سرگرمیوں اور احتجاجی حکمت عملی کے حوالے سے مزید سخت اقدامات کیے جانے کا امکان ہے۔واضح رہے کہ حکومت اور اپوزیشن کے درمیان رابطوں کے باوجود 27 ستمبر کے احتجاج کے معاملے پر اب تک کوئی ایسا اتفاق سامنے نہیں آیا جسے سیاسی بحران کے حل کی جانب بڑا قدم قرار دیا جاسکے۔بیان حلفی بابت وراثت منکہ مسمی سجاد احمد ولد شمس القمر سکنہ گلی نمبر 1 محلہ اتحاد کالونی پشاور کا ہوں حلفا بیانی ہوں کہ مسما پری زادگئی غیر شادی شدہ فوت شدہ ہے پری زادگئی مرحومہ من حالف کے والد کی چچا زاد بیٹی ہے اور اس کی ایک بہن صاحب سلطانہ عرف وڑہ بی بی شادی شدہ لاولد فوت شدہ ہے۔ جن کے شرعی و قانونی وارثان درج ذیل ہیں ۔ چچازاد بھائی سجاد احمد ، دوراج خان ، منظور احمد ، شمس الرحمان ہیں، اور مسما خدیجہ مرحومہ زوجہ محمد اکبر ، مسما بختیار بیگم دختر محمد اکبر ساکنان ڈب پشاور ۔ صاحب سلطانہ مرحومہ اور پری زادگئی مرحومہ دختران سلطان ساکنان ڈب شاہ عالم پشاور میرے والد کے چچا زاد ہیں۔ درج بالا افراد کے علاوہ متوفیان کا دیگر کوئی وارث نہیں ہے اس بابت اگر کسی کو کوئی عذر و اعتراض ہو تو پٹواری حلقہ یا تحصیلدار سے رجوع کریں
