جیلوں میں قیدکشمیری نوجوانوں کا مستقبل بری طرح متاثر ہو رہا ہے، فاروق عبداللہ

سرینگر (این این آئی) بھارت کے غیر قانونی زیر قبضہ جموں و کشمیر میں نیشنل کانفرنس کے صدر فاروق عبداللہ نے کہا ہے کہ بہت سے کشمیری نوجوان برسوں سے جیلوں میں قید ہیں جس سے ان کا مستقبل بری طرح متاثر ہو رہا ہے۔ انہوںنے کہا  کہ نوجوانوں کو پاسپورٹ اور ملازمت کے لیے تصدیقی عمل میں بھی مشکلات کا سامنا ہے اور انہیں بار بار سرکاری دفاتر کے چکر لگانے پڑتے ہیں۔ کشمیر میڈیا سروس کے مطابق فاروق عبداللہ نے سرینگر میں ایک اجتماع سے خطاب میں کہا کہ یاستی حیثیت کی بحالی کے حوالے سے بھارتی حکومت کی عدم سنجیدگی تشویش کا باعث ہے۔ انہوں نے کہا کہ ”یونین ٹیریٹری” کا نظام عوامی مفادات میں رکاوٹ بن رہا ہے اور عام شہریوں، ملازمین، تاجروں، نوجوانوں، دستکاروں، کسانوں اور باغبانوں کے مسائل کے حل میں مشکلات پیدا کر رہا ہے۔