یمن میں ستمبر سے جاری کشیدگی کے باعث تقریباً 79 ہزار بچے بے گھر ہو گئے : اقوام متحدہ

اقوام متحدہ(این این آئی)یونیسف نے اعلان
کیا ہے کہ مغربی یمن میں ستمبر سے جاری کشیدگی کے باعث تقریبا 79 ہزار بچے بے گھر ہو گئے ہیں۔یونیسف(اقوامِ متحدہ کے ادارہ برائے اطفال)نے ایکس پر شائع کردہ ایک رپورٹ میں کہا کہ پورے مغربی یمن میں دوبارہ شروع ہونے والی لڑائی اور بدلتے ہوئے محاذوں نے پہلے ہی سنگین انسانی بحران میں مزید شدت پیدا کر دی ہے۔ادارے نے نشاندہی کی ہے کہ تعز، الحدیدہ، مغربی ساحل اور آس پاس کے علاقوں میں لڑائی سے خاندان اپنے گھر، سامان اور روزگار کے ذرائع پیچھے چھوڑ کر دوبارہ نقلِ مکانی کرنے پر مجبور ہو گئے۔