غیرملکی لڑکی کا مبینہ گینگ ریپ کیس،ڈیانا کا آذربائیجان واپس جانے سے انکار

لاہور(کرائم رپورٹر) لاہور میں غیر ملکی لڑکی کے ساتھ مبینہ اجتماعی زیادتی کے کیس میں متاثرہ لڑکی نے آذربائیجان واپس جانے سے انکار کردیا۔متاثرہ لڑکی آذربائیجان واپسی کے لیے رات گئے ائرپورٹ پہنچی، ائیرپورٹ پر چیک ان، امیگریشن کا عمل مکمل کیا  گیا۔بورڈنگ کے بعد لڑکی جہاز میں سوار بھی ہوئی مگر کچھ دیر بعد متاثرہ لڑکی نے واپسی سے انکار کردیا۔متاثرہ لڑکی نے بیان دیا کہ پاکستان رک کر اپنے کیس کی پیروی کرنا چاہتی ہوں۔