لیسکو کی نادہندگان کیخلاف کارروائی، ستمبر میں42 کروڑ 8 لاکھ روپے سے زائد ریکوری

لاہور (این این آئی) لاہور الیکٹرک سپلائی کمپنی (لیسکو )میں ستمبر 2026ء کے دوران نادہندگان
سے 42 کروڑ 8 لاکھ 70 ہزار روپے کی ریکوری کی گئی، ستمبر میں لیسکو کے آٹھوں سرکلز میں نادہندگان کے 1165 کیسز نمٹا دیئے گئے۔ ترجمان لیسکو کے مطابق 4 ماہ یا زائد عرصہ سے واجب الادا نادہندگان سے 24 کروڑ 28 لاکھ 70ہزار روپے وصول کیے گئے۔ منقطع کنکشنز کے 698 کیسز میں 17 کروڑ 80 لاکھ روپے کی ریکوری کی گئی۔ ناردرن سرکل میں 189 کیسز سے 9 کروڑ 37 لاکھ 80 ہزار روپے وصول، سنٹرل سرکل میں 206 کیسز سے 7 کروڑ 41 لاکھ 10 ہزار روپے کی ریکوری، ایسٹرن سرکل میں 147 کیسز سے 9 کروڑ 73 لاکھ 70 ہزار روپے کی ریکوری، اوکاڑہ سرکل میں 111 کیسز سے ایک کروڑ 21 لاکھ 80 ہزار روپے وصول، سدرن سرکل میں 198 کیسز سے 6 کروڑ 10 لاکھ روپے وصول، شیخوپورہ سرکل میں 98 کیسز سے 83 لاکھ 10 ہزار روپے کی ریکوری، قصور سرکل میں 147 کیسز سے 5 کروڑ 50 لاکھ روپے کی ریکوری اور ننکانہ سرکل میں 69 کیسز سے ایک کروڑ 91 لاکھ 20 ہزار روپے وصول کیے گئے۔ اس حوالے سے چیف ایگزیکٹو آفیسر لیسکو انجینئر محمد رمضان بٹ نے کہا کہ نادہندگان سے واجبات کی وصولی مزید موثر اور صارفین کو بہتر سروسز کی فراہمی یقینی بنائی جائے۔