لاہور کے مختلف علاقوں میں پیش آنیوالے الگ الگ واقعات اورٹریفک حادثے کے دوران4افراد جاں بحق ہوگئے

لاہور(کرائم رپورٹر) لاہور کے مختلف علاقوں میں پیش آنے والے الگ الگ واقعات اور ٹریفک حادثے کے دوران چار افراد جاں بحق ہوگئے۔ ایدھی ترجمان کے مطابق شمالی چھائونی صدر گول چکر کے قریب 35 سالہ شخص کی لاش برآمد ہوئی، جبکہ ہربنس پورہ کے علاقے میں پارک سے 63 سالہ بزرگ شہری مردہ حالت میں ملے۔ سبزہ زار میں ٹریفک حادثے کے دوران 35 سالہ شخص جاں بحق ہوگیا، جس کی شناخت حافظ گل فراز کے نام سے ہوئی۔ پرانی انارکلی کے قریب بھی ایک نامعلوم شخص مردہ حالت میں پایا گیا۔ پولیس اور تحقیقاتی اداروں نے تمام واقعات میں کارروائی اور شواہد اکٹھے کرنے کے بعد لاشیں ایدھی رضاکاروں کے حوالے کر دیں، جنہوں نے انہیں مردہ خانہ منتقل کر دیا دیگر جاں بحق افراد کی شناخت تاحال نہیں ہوسکی۔