لاہور( این این آئی)کیپسٹی پیمنٹس کا بوجھ پیداواری لاگت سے بڑھ گیا، گزشتہ مالی سال بجلی صارفین نے پاورپلانٹس کو کیپسٹی پیمنٹس مد میں
1665 ارب روپے ادا کیے۔نجی ٹی وی نے دستاویز کے حوالے سے بتایا کہ صارفین نے جنرل سیلز ٹیکس کی مد میں 205ارب روپے ادا کیے، صارفین نے مجموعی طور2935ارب ادا کیے،پیداواری لاگت 1167ارب روپے رہی۔سب سے زیادہ ادائیگیاں درآمدی کوئلے کے پاور پلانٹس کو635ارب ادا کیے گئے، درآمدی آرایل این جی کے پاور پلانٹس کو527ارب روپے کی ادائیگی ہوئی، تھرکول پاور پلانٹس کو463ارب، نیوکلیئر پاور پلانٹس کو 469ارب دئیے گئے۔
