وفاق نے پنجاب میں پائیدار ترقی اہداف پروگرام کی کارکردگی رپورٹ طلب کر لی

لاہور (این این آئی) وفاق نے پنجاب حکومت سے پائیدار ترقی اہداف پروگرام کی کارکردگی رپورٹ طلب کر لی۔ وفاق کی جانب سے صوبے میں جاری منصوبوں پر پیشرفت اور فنڈز کے استعمال کی تفصیلات بھی طلب کی گئی ہیں ۔ پائیدار ترقیاہداف پروگرام پنجاب کے تمام اضلاع میں جاری ہے، پنجاب میں پروگرام کے لیے مجموعی طور پر 22 ارب روپے کے فنڈز مختص ہیں۔ پروگرام کا مقصد مقامی ضروریات کے مطابق ترقیاتی کام اور بنیادی سہولتوں کی فراہمی ہے، پروگرام کے تحت سڑکوں، گلیوں، صاف پانی اور نکاسی آب کی سکیموں کے لیے فنڈز دیے جاتے ہیں۔ تعلیم، صحت، بجلی اور دیگر عوامی سہولتوں کے منصوبے بھی پروگرام میں شامل ہیں۔