سٹی ڈویژن، اندرون شہر سے ملحقہ علاقوں میں منشیات فروشی کی شکایات سامنے آ رہیں

لاہور (کرائم رپورٹر) شہر کے مختلف ڈویژنز
میں منشیات فروشی کے مبینہ مراکز کے حوالے سے ذرائع کا کہنا ہے لاہور کے سٹی ڈویژن، وال سٹی سے ملحقہ علاقوں، اقبال ٹائون اور سول لائنز ڈویژن میں منشیات فروشی کے حوالے سے شکایات سامنے آتی رہی ہیں۔ ان علاقوں میں منشیات کی دستیابی، مقامی سطح پر سپلائی اور مشتبہ سرگرمیوں کی موثر نگرانی پولیس کے لیے اہم چیلنج قرار دی جا رہی ہے۔ شہری حلقوں میں یہ سوال بھی اُٹھایا جا رہا ہے کہ اگر منشیات فروشی کے خلاف مسلسل مقدمات درج ہو رہے ہیں اور گرفتاریاں بھی عمل میں لائی جاتی ہیں تو پھر سپلائی کے ذرائع اور بڑے نیٹ ورکس کا مکمل خاتمہ کیوں ممکن نہیں ہو پا رہا؟ اس حوالے سے ضروری ہے کہ صرف انفرادی ملزمان کے خلاف کارروائی پر اکتفا کرنے کے بجائے منشیات کی سپلائی، مالی معاونت اور منظم کاروباری ڈھانچے کی بھی تحقیقات کی جائیں۔