ڈیجیٹل ذرائع سے منشیات کی فروخت کا نیا چیلنج ابھر کرسامنے آ رہا ہے، پولیس ذرائع

لاہور(کرائم رپورٹر) ڈیجیٹل ذرائع سے
منشیات کی فروخت کا نیا چیلنج سامنے آرہا ہے۔ پولیس ذرائع کے مطابق منشیات کی خریدو فروخت کے طریقوں میں بھی تبدیلی آئی ہے۔ روایتی طور پر گلی محلوں میں فروخت کرنے والوں کے علاوہ پارٹیوں اور تقریبات میں منشیات فراہم کرنے والے گروہوں اور ڈیجیٹل ذرائع سے مبینہ طور پر آرڈر حاصل کرنے والے عناصر کی سرگرمیوں کی اطلاعات ہیں۔ دعویٰ کیا جا رہا ہے کہ ایسے نیٹ ورکس تعلیمی اداروں، نجی دفاتر اور گھروں تک منشیات پہنچانے کی کوشش کرتے ہیں۔ اگر یہ اطلاعات درست ثابت ہوتی ہیں تو اس صورتحال سے نمٹنے کے لیے روایتی پولیسنگ کے ساتھ جدید تفتیشی طریقوں، ڈیجیٹل شواہد کے قانونی تجزیے اور بین الادارہ جاتی تعاون کی ضرورت مزید بڑھ جاتی ہے۔ تاہم کسی مخصوص گروہ یا فرد کے ملوث ہونے کا تعین ٹھوس شواہد اور قانونی کارروائی کے ذریعے ہی کیا جا سکتا ہے۔