6 جعلی رجسٹریاں بنانے کا کیس’ڈی جی اینٹی کرپشن کو آج رپورٹ پیش کرنیکا حکم

لاہور (کورٹ رپورٹر) چیف جسٹس لاہور ہائیکورٹ نے6 جعلی رجسٹریاں بنانے کے کیس میں جھنگ کے رجسٹری محرر کی درخواست ضمانت پر ڈی جی اینٹی کرپشن کو آج رپورٹ پیش کرنے کا حکم دیدیا۔ عدالت نے ریمارکس دیئے کہ قانون بہت بے رحم ہے اس میں رحم نہیں، عدالت نے قانون کے مطابق فیصلہ کرنا ہے، ڈی جی صاحب چالان بروقت عدالتوں میں پیش کیوں نہیں کئے جاتے؟ اینٹی کرپشن کیسز کی تحقیقات میں تاخیر کیوں کرتی ہے؟ ناقص تفتیش اور چالان بروقت جمع نہ ہونے سے فیصلے جلد نہیں ہوتے’ تفتیش جامع ہو تو کیسوں کے فیصلوں تاخیر نہیں ہوتی، بروقت چالان پیش نہ ہونا، ناقص تفتیش فیصلوں میں تاخیر کی بڑی وجہ ہے۔ درخواست میں موقف اختیار کیا گیا ہے کہ جھنگ میں چھ جعلی رجسٹریاں درج کرنے کا مقدمہ درج کیا،اینٹی کرپشن نے انکوائری کے بعد ایف آئی آر 2020 درج کی، درخواست گزار اس دوران ڈیوٹی سرانجام دیتا رہا،اب اس کیس میں اینٹی کرپشن نے درخواست گزار کو ملوث کردیا،درخواست گزار کا اس کیس سے کوئی تعلق نہیں ہے،عدالت درخواست گزار کی عبوری ضمانت کنفرم کرے۔