قتل کیس کے گواہ پیش نہ کرنے کیخلاف درخواست پر آئی جی پنجاب آج طلب

لاہور (کورٹ رپورٹر) چیف جسٹس لاہور ہائیکورٹ عالیہ نیلم نے چھ سال تک قتل کیس کے گواہ
پیش نہ کرنے کیخلاف درخواست پر آئی جی پنجاب کو آج ذاتی حیثیت میں طلب کرلیا۔ عدالت نے سرکاری وکیل کو مخاطب کرتے ہوئے ریمارکس دیئے کہ رپورٹ کے مطابق جب شہادتیں ریکارڈ ہوتی ہیں تو پولیس نیا ملزم گرفتار کرلیتی ہے، اس لئے چھ سال سے مقدمہ کا ٹرائل مکمل نہیں ہوسکا، آئی جی پنجاب پیش ہوکر وضاحت دیں، رائیونڈ سٹی تھانہ میں دوہرے قتل کا مقدمہ2020 میں درج ہوا،کیس میں گیارہ ملزمان ہیں، درخواست گزار محمد صائم چھ سال سے جیل میں قید ہے، پولیس تفتیش ہی مکمل نہیں ہو رہی اور نہ ٹرائل شروع ہوا ہے۔ عدالت درخواست ضمانت منظور کرکے رہائی کا حکم دے۔