جاتلی پولیس کی کارروائی 12 سالہ بچے سے زیادتیکی کوشش کرنیوالا ملزم گرفتار

دولتالہ ( بیورو رپورٹ)تھانہ جاتلی پولیس نے 12 سالہ لڑکے کے ساتھ زیادتی کی کوشش کے الزام میں ایک ملزم کو گرفتار کر کے مقدمہ درج کر لیا ہیتفصیلات کے مطابق، مدعی مقدمہ نے پولیس کو دیباقی صفحہ 6بقیہ نمبر9
گئی اپنی درخواست میں موقف اختیار کیا تھا کہ ملزم نے اس کے 12 سالہ بھتیجے کو زیادتی کا نشانہ بنانے کی مذموم کوشش کی ہے۔ واقعے کی سنگینی کے پیشِ نظر جاتلی پولیس نے فوری حرکت میں آتے ہوئے مقدمہ درج کیا اور ملزم کو گرفتار کر کے حوالات میں بند کر دیا۔اس موقع پر ایس پی صدر نے واقعے کا نوٹس لیتے ہوئے اپنے جاری کردہ بیان میں کہا ہے کہ زیرِ حراست ملزم کے خلاف قانونی کارروائی کا باقاعدہ آغاز کر دیا گیا ہے۔ ملزم کو ٹھوس شواہد کی بنیاد پر چالان کر کے عدالت کے روبرو پیش کیا جائے گا تاکہ اسے قرار واقعی سزا دلوائی جا سکے۔ایس پی صدر نے مزید واضح کیا کہ معاشرے میں خواتین اور بچوں کے ساتھ ہراسمنٹ یا زیادتی جیسے گھنانے جرائم ناقابلِ برداشت ہیں۔ راولپنڈی پولیس ایسے قانون شکن عناصر کے خلاف زیرو ٹالرنس کی پالیسی پر سختی سے عمل پیرا ہے اور شہریوں کے تحفظ کے لیے تمام تر وسائل بروئے کار لائے جا رہے ہیں۔