خیبر پختونخوا کے شہریوں کا صوبے میں گورنر راج ‘ ایمرجنسی کا خیرمقدم

پشاور(آئی این پی) خیبر پختونخوا کے شہریوں نے صوبے میں گورنرراج اور ایمرجنسی کے نفاذ کی حمایت
کردی۔سوات، شانگلہ، بٹ خیلہ، کوہاٹ اور چترال کے شہریوں نے وفاقی حکومت کے اقدام کو سراہتے ہوئے کہا کہ ہم خیبرپختونخوا میں گورنرراج اور ایمرجنسی کی بھرپور حمایت کرتے ہیں۔شہریوں نے کہا کہ وفاقی حکومت کے اقدام سے دہشت گردی اور انتشارکا 13 سالہ دوراختتام کو پہنچا، ایک وزیراعلی کو ہر وقت وفاق پر چڑھائی کی باتیں کرنا زیب نہیں دیتا۔شہریوں کا کہنا تھا کہ صوبے کے عوام کوایسی حکومت سے نجات ملی جس نے دہشت گردوں کی سرپرستی کی، پی ٹی آئی دور میں خیبرپختونخوا بدحال، مہنگائی اور بیرورگاری عروج پر پہنچ چکی تھی۔