اسلام آباد ہائیکورٹ ، بیماری کے بہانے عدم پیشی پر سی ڈی اے کے ممبر سٹیٹ کیخلاف توہین عدالت کی کارروائی کا آغاز

اسلام آباد (آئی این پی )اسلام آباد ہائیکورٹ نے بیماری کا بہانہ بنا کر عدالت پیش نہ ہونے والے سی ڈی اے کے ممبر اسٹیٹ کے خلاف توہین عدالت کی کاروائی کا آغاز کردیا۔ اسلام آباد ہائیکورٹ کے چیف جسٹس سرفراز ڈوگر نے بیماری کا بہانہ بنا کر عدالت پیش نہ ہونے والے سی ڈی اے کے ممبر اسٹیٹ کے خلاف توہین عدالت کی کاروائی کا آغاز کردیا،چیف جسٹس اسلام آباد ہائیکورٹ نے ممبر اسٹیٹ سی ڈی اے زمان وٹو کی معافی کی ابتدائی استدعا مسترد کر دی۔ سی ڈی اے کے وکیل نذیر جواد نے زمان وٹو کی جانب سے غیر مشروط معافی کی استدعا کی تھی،ممبر اسٹیٹ سی ڈی اے زمان وٹو وکیل سی ڈی اے نذیر جواد کے ساتھ عدالت پیش ہوئے۔