سفارتی پروٹوکول نظرانداز، برطانوی ہائی کمشنر کا دلچسپ اور منفرد انداز، ویڈیو وائرل

اسلام آباد (آئی این پی) برطانوی ہائی کمشنر کا سفارتی پروٹوکول نظرانداز کرتے ہوئے ایک دلچسپ اور منفرد انداز سامنے آیا ہے۔ برطانوی ہائی کمشنر جین میریٹ کی رمضان المبارک کے اختتام پر اپنے رہائشی عملے کے لیے کھانا تیار کرنے اور خود پیش کرنے کی ویڈیو سامنے آئی ہے، جس میں ان کا منفرد اور دوستانہ انداز دیکھنے کو مل رہا ہے۔ ویڈیو میں جین میریٹ کو باورچی خانے میں کھانا تیار کرتے، مختلف پکوانوں کے ساتھ میز سجانے اور عملے کے ارکان کو کھانا پیش کرتے دیکھا جا سکتا ہے۔