پٹرول 1.20 روپے مہنگا ڈیزل 17 پیسے سستا

واشنگٹن’ ملتان (آء این پی’ مانیٹرنگ ڈیسک) پٹرولیم ڈویژن کی جانب سے جاری اعلامیے کے
مطابق حکومت نے پٹرول کی قیمت میں1روپیہ 20پیسے فی لٹراضافہ کردیا ہے جس کے بعد پٹرول کی نئی قیم393 روپے 86 پیسے فی لٹر ہوگئی۔ ڈیزل کی قیمت میں صرف 17پیسے فی لٹرکمی کی گئی ہے جس کے بعد ڈیزل کی نئی قیمت 396 روپے 65پیسے فی لٹرہوگئی ہے۔ پٹرولیم ڈویژن کے مطابق پٹرول اور ڈیزل کی نئی قیمتیں 15اکتوبرتک کیلئے ہوں گی۔مشرق وسطی میں جاری کشیدگی کی وجہ سے عالمی منڈی میں خام تیل کی قیمتوں میں اضافے کا رجحان برقرار ہے۔ بدھ کو صبح کے ابتدائی اوقات میں برینٹ خام تیل کی قیمت 89 سینٹ، یعنی 0.8 فیصد اضافے کے بعد 106.58 ڈالر فی بیرل ہوگئی۔امریکی ویسٹ ٹیکساس انٹرمیڈیٹ(ڈبلیو ٹی آئی )خام تیل کی قیمت بھی 80 سینٹ، یعنی 0.9 فیصد بڑھ کر 94.94 ڈالر فی بیرل پر پہنچ گئی۔برطا نو ی خبر رساں ادارے کے مطابق قیمتوں میں یہ اضافہ منگل کو کاروبار کے اختتام پر تیل کی قیمتوں میں ملے جلے رجحان کے بعد سامنے آیا۔
پٹرولیم قیمتیں