کراچی، پولیس اہلکار بن کر غیرملکی مہمانوں کو لوٹنے والا ملزم گرفتار

کراچی(آئی این پی ) کراچی کے علاقے لیاری میں سائو تھ زون پولیس نے کارروائی کرتے ہوئے خود کو پولیس اور سی آئی اے اہلکار ظاہر کرکے غیرملکی مہمانوں کو لوٹنے والے ملزم کو پولیس مقابلے کے بعد زخمی حالت میں گرفتار کرلیا، جبکہ اس کا ساتھی فرار ہوگیا۔ڈی آئی جی سائر تھ سید اسد رضا کے مطابق گرفتار ملزم کی شناخت مسلم ولد شان محمد کے نام سے ہوئی ہے۔ ملزم کے قبضے سے 4 کروڑ 30 ہزار ایرانی کرنسی، 52 ہزار بنگلہ دیشی ٹکہ، 2 ہزار امریکی ڈالر، واردات میں استعمال ہونے والی آلٹو کار، 3 گاڑیوں کی نمبر پلیٹس، پولیس کیپ، واکی ٹاکی سیٹ اور دیگر سامان برآمد کیا گیا ہے۔ڈی آئی جی سائو تھ کے مطابق گرفتار ملزم اور اس کے مفرور ساتھی مصطفی نے 9 اکتوبر کو نبی بخش تھانے کی حدود میں بنگلہ دیش سے آنے والی تبلیغی جماعت کے 3 ارکان کو پولیس اور سی آئی اے اہلکار ظاہر کرکے لوٹا تھا۔