فریال تالپور کا بابل خان جکھرانی کے گھر پولیس چھاپے کا نوٹس

کراچی(این این آئی)سندھ اسمبلی کی قائمہ کمیٹی برائے داخلہ کی چیئرپرسن فریال تالپور نے
سابق رکن قومی اسمبلی مرحوم بابل خان جکھرانی کی رہائش گاہ پر پولیس چھاپے کا نوٹس لیتے ہوئے آئی جی سندھ سے رپورٹ طلب کرلی ہے۔فریال تالپور نے واقعے کی مکمل، شفاف اور غیر جانب دارانہ تحقیقات کا حکم دیتے ہوئے ہدایت کی ہے کہ چھاپے سے متعلق تمام پہلوؤں کا جائزہ لے کر حقائق پر مبنی جامع رپورٹ پیش کی جائے۔انہوں نے کہا کہ چادر اور چار دیواری کے تقدس کا خیال رکھا جانا چاہیے اور کسی بھی شہری کے ساتھ ناانصافی برداشت نہیں کی جاسکتی۔